Gästebuch

Datum: 15.11.2011

Autor: Noya

Betreff: DANKEEEESCHÖÖÖÖN A ALLI

Wuff...Ich möcht mich bi Eu allne ganz herzlich für Eui liebe Gästebuech Iträg bedanke :-)) so lässig das ihr alli öppis gschriebe händ !!! Voll Cool !!! Bis bald
Eui
Noya

Datum: 13.11.2011

Autor: Kunya dini Mama us bonaduz

Betreff: Endlich sind au mir sowit

Libi Noya, wenn i di so a luaga, bisch du a hübsches tollerwibli gworda, uns schu so gross. as isch no nit so lang her, do bisch no unter minra obhuat gsi und i bi stolz wie uf alli mini tollerchint.
hüt hanni wieder a mol a grössera spaziergang gmacht, und ab und zu muass i halt so en rüd zrecht wisa, denn im moment häts söviel müs, dass i mit jaga fast nüma no chuma, und wenn mi no so eina stört, denn.....
es isch so lustig, alli halten mi für a ganz junga hund, was das au us macht, wenn ma a so a rasselbandi gross zücht, ob dass bi mina zwei beiner au so isch?glaub i chum, eher umgekehrt worschinlich.
i hoffa, du bisch nit all zu brav und haltisch dini lüt a bitz uf trab, söll jo gsund si.
so, no a schöna obig und grüass dini lüt recht liab, häsch a super sita i grichtet, so wie du halt au bisch...

Datum: 10.11.2011

Autor: D`Namida & Co

Betreff: Sunniga Gruass us am Püntnerland

Tschau Schwöschterherz
Woow, hesch du a lässigi HP, also do bin i platt, Kompliment! Mol luaga ob mis Rudel au so öppis ana kriagt.
I han im Fall u Freud, dass i öppis vu diar (und grad au vu da andara) ghöra. Miar gohts super und i han do z`Khur schu alli verzaubert und um da Finger gwicklat. Schad isch nu, dass dr Simon und d`Sara fast immer in d`Schual müand. Aber am Mittag wart i ufs und denn tüans immer mit miar spila und kuschla. Do han i no zwei intressanti, vierbeinigi Mitbewohner. Dr Findus und d`Merlin hend sich schu a kli an mi gwöhnt. I dörfs aber nid amol a kli abella, do isch mis Rudel u streng! I würd halt so gern mit ihna raufa, aber dia Katza verstöhns aifach nit! Zum Glück find i immer wider uf da Spaziergäng a guata Tscholi wo mit miar umarauft und denn gits am Zischtig jo no d`Welpastund. Du, in dr Welpaschual gohts miar im Fall wia diar. As isch unglaublich...mi löns au immer wider an dr Leina waarta und waarta. Drbi könnt i mit allna soo schön schpila. Und weisch dr Bescht? Miar händ so an klina Hund drbi, weisch so a Chihuahua. Mis Frauali isch immer uu froh, wenn miar nid ir glicha Gruppa sind, wil sie Angst hät amol us Verseha drufzstoh! Hesch in da Herbschtferia z`Davos au Schnee gseh? Du i hoffa as git dä Winter u viel vu dem wissa Zügs, will das isch bis jetzt mis coolsta Erlebnis gsi. I bi umanand düsat wia a Raketa und han grad amol zeigt wia so a Toller flügt! Guat, jo, nochher bin i schu wahnsinnig kaputt gsi :-).
I wünsch diar und dinara Familia schöni Herbsttäg und vil schöni Spaziergäng.
Allas Liabi vu dinara Schwöschter Namida & Co

Datum: 09.11.2011

Autor: d`schwöster vo dim fraueli

Betreff: hallo noya

e lässigi HP hesch dir dis fraueli gmacht.
ich hoffe du machsch schön seich und haltisch die ganz familie es bitzli uf trab :-)
dini spielgruppe tönt ja au ganz lässig, ich wünsche dir viel spass debie.

liebe gruess
d`schwöster

Datum: 08.11.2011

Autor: Nakai Ahyoka

Betreff: diis Brietschi usem Berner Oberland

Hallo Noya
Also das isch ja ä super Site wo du da hesch. I bi hiit schnäll in Bärn gsi und ha derfir der ganz nami gspunne und alles gmacht wo ni nid selti oder derfti. Aber mir gfallt bi mine Mensche ganz guet, i ga o zwei mal ir Wuche id Welpeschuel und dert sorgeni ganz fescht für ramba zamba. Am letschde Fritig ha ni no b'suech vo iisem Papi dem Aldaron ubercho i säge dier da isch ebis gluffe. Am Samschtig sie mer am Tollerträff gsi da heds luter roti Hünd ghäbä, alli hei irgendwie glich und doch nid glich usgse.....
Wäri schen we wer iis mal wieder würde gse.... isch schicke der no es paar Föteli vo mier...
Liebi grüess a die und diiner Mensche

Der Nakai

Datum: 08.11.2011

Autor: Nikan Ahyoka

Betreff: Schwesterherz

Salü Noya,
mein Frauchen hat mir gerade deine Seite gezeigt und ist sehr begeistert (sie überlegt schon so etwas auch für mich zu tun).
Es freut mich zu sehen das du es so gut bei deinen Menschen hast und du wirst auch immer hübscher :-)
Hier im Wallis gehts mir super, Ziegen, Schafe, Kühe und Hasen - alles zum jagen....wenn meine Menschen nicht zusehen.
Es würde mich freuen dich einmal wieder zu sehen.
Liebä Grüez, d` Nikan

Datum: 07.11.2011

Autor: Anarya

Betreff: Wau Wau

Hallo Noya und Familie
toll sieht Deine Homepage aus.
Du hast es bestimmt gut getroffen mit Deinem Rudel, Kinder, Meersäuli und Lernspiele, das fägt!
Ein wauwauwau
Deine Tante Anarya

Datum: 27.10.2011

Autor: Aldaron de Papi

Betreff: super

Sölü Noya,das isch e supper HP. Gueti Foti,da gsesch du us wie ig.Ei
Rat vo mir:we du viu mit dim Froueli üebsch u si schön duesch aluege
de macht si dir aues!Sie wird Bäuele,Gudis gä u ou de Buch chräbele.Du
merckisch gli es lehrt schnäu (blinzel).
Aus gueti de Aldaron mit Tante Kency u Sindy

Datum: 26.10.2011

Autor: Memphis

Betreff: Hola Chicka

Hallo Noya

Has mega lässig gfunde mit dier i de Welpespielgruppe! Freu mich scho uf de nöchschti Sunntig. Mier zwei wärid doch au es hübsches Päärli gäll:-)!
Viellicht dörf de Jimmy denn au mal mit eus zäme spiele. Öhm, bi nämlich chli ifersüchtig! Bisch würkli en süessi Bohne:-)!

Bis gli und au en Gruess a dis Fraueli d Sandra
Schlabberschmutz vom Memphis

Datum: 11.10.2011

Autor: Jimmy

Betreff: Hoi

Hoi Noya! Freue mi scho druf, dich kännezlerne. Bisch ja ganz es hübschs Meiteli... Muesch dänn nöd verschrecke, bin halt scho zimli vill grösser als du und ganz en schwarze wuschelige Kerli. Bin aber gaaaaaanz en Liebe! :-) Liebi Grüess, Jimmy

1 | 2 >>

Neuer Beitrag