Meine 1.ter Besuch in der Welpenspielstunde

Am Sunntig simmer also zum 1.ten mal  i dä Welpenspielstund gsi...

Ich bin fast "vergitzlet" am liebschte wär ich grad vollgas zu allne ane go spiele...aber NEI !! ich han müesse warte und warte und warte... irgenwie händ mir eus zerscht no müesse amelde...phhhhaaa vo mir us gseh wär das au ohni amälde gange :-)) 

Dänn äääääntlich hämmer dörfe ufere Wiese go spiele...da sind alli öppe glich alt gsi wie ich aber händ ganz anderscht usgseh...die eine mit lampi Ohre die andere mit spitze und wieder anderi mit Flädermuus Ohre :-)

Dänn nacheme ziietli spiele simmer zunere Wiese mit Bölleli Pool. Zerscht hani mich nöd dri getraut aber d'Sandra hät mich glockt und hät sich dänn au würklich wahnsinnig fescht gfreut wo ich dete ine bin :-)

Nachdem Bölleli Pool hämmer no müesse über es Brett  laufe über en Grabe ine... da sind die einte sogar abe gheit :-)) phhhaa Afänger....

Am letschte Ort isch en Hundepspielplatz gsi mit Wippe, Tunnel und Co. dete hämmer dänn am Schluss au no dörfe druf umelaufe, durelaufe und uf d'Wippe stah...

es hät mir mega Spass gmacht !!! ich glaube ich gange s'nächscht mal wieder.....